ખસખસના બીજ એક પ્રકારના તેલીબિયાં છે, જે અંગ્રેજીમાં પૉપ સીડ્સ તરીકે પણ ઓળખાય છે. ખસખસના સેવનથી સ્વાસ્થ્યને ઘણા ફાયદા થાય છે. કારણ કે ખસખસના બીજ પોષક તત્વોથી ભરપૂર હોય છે. ખસખસના સેવનથી સ્વાસ્થ્ય સંબંધી અનેક સમસ્યાઓથી છુટકારો મળે છે. કારણ કે ખસખસના બીજમાં ઓમેગા-6 ફેટી એસિડ, પ્રોટીન, ફાઇબર, વિટામિન બી, થિયમિન, કેલ્શિયમ અને મેંગેનીઝ જેવા તત્વો હોય છે, જે સ્વાસ્થ્યની દ્રષ્ટિએ ખૂબ જ ફાયદાકારક છે.
ખસખસના સ્વાસ્થ્ય લાભ:
પેટની સમસ્યા હોય ત્યારે ખસખસનું સેવન ખૂબ ફાયદાકારક છે. કારણ કે ખસખસના બીજમાં ફાઇબર મળે છે, જો તમે ખસખસના બીજનું સેવન કરો છો, તો તે કબજિયાત, એસિડિટી અને અપચો જેવી સમસ્યાઓ દૂર કરે છે. વળી પાચનક્રિયા પણ મજબૂત કરે છે.
મોઢાના અલ્સરની સમસ્યા એક સામાન્ય સમસ્યા છે, મોંમાં ફોલ્લા પડવાની ફરિયાદ હોય ત્યારે ખાવા-પીવામાં ઘણી સમસ્યાઓ આવે છે. પરંતુ મોઢામાં છાલા પડે છે ત્યારે ખસખસના બીજનું સેવન કરો, કારણ કે ખસખસના દાણા ઠંડા હોય છે, જે પેટની ગરમીને શાંત કરીને મોઢાના અલ્સરને દૂર કરવામાં મદદ કરે છે.
હાડકાંને સ્વસ્થ રાખવા માટે ખસખસના બીજનું સેવન ફાયદાકારક છે. કારણ કે ખસખસના બીજમાં કેલ્શિયમ ખૂબ જ હોય છે, જે હાડકાંને મજબૂત બનાવી ગોઠણ અને હાડકાના દુખાવાથી છુટકારો આપે છે. ખસખસના બીજનું સેવન મગજના વિકાસ માટે ફાયદાકારક છે. કારણ કે ખસખસના બીજમાં કેલ્શિયમ, આયરન અને કોપર જેવા પોષક તત્વો હોય છે, જે મગજની ક્ષમતા વધારવામાં મદદગાર છે.
નબળી રોગપ્રતિકારક શક્તિવાળા લોકો માટે ખસખસનું સેવન ફાયદાકારક છે. કારણ કે ખસખસના બીજમાં ઝીંક અને આયર્ન જેવા તત્વો હોય છે, જે રોગપ્રતિકારક શક્તિને મજબૂત બનાવી વાયરસ અને બેક્ટેરિયાથી બચાવે છે. ખસખસના બીજનું સેવન શરીરમાં વધતા કોલેસ્ટ્રોલને ઓછું કરવા માટે ફાયદાકારક સાબિત થાય છે. કારણ કે ખસખસના બીજમાં ઓમેગા-6 ફેટી એસિડ મળી આવે છે, જે કોલેસ્ટ્રોલને ઘટાડી તે હૃદયને સ્વસ્થ રાખે છે છે.