હસ્તમૈથુન કરવું ફાયદાદાયક છે કે નુકસાનકારક? જાણો એક્સપર્ટ અને આયુર્વેદ શું કહે છે

હસ્તમૈથુન એટલે વ્યક્તિના યૌન અંગોને કામાવેશની ચરમસીમા સુધી ઉત્તેજીત કરવાની ક્રિયા. ઉત્તેજીના જાગૃત કરવાની આ ક્રિયા હાથ વડે, કામ ક્રીડા સમાન અનુભવ આપતા કોઈ અન્ય સાધનો કે વસ્તુઓ દ્વારા અથવા તો આ બંનેના સહીયારા ઉપયોગ દ્વારા મેળવવામાં આવે છે. હસ્ત એટલે હાથ અને મૈથુન એટલે સંભોગ મતલબ કે હાથ દ્વારા કરવામાં આવતું મૈથુન..

હસ્તમૈથુન અંગે લોકોના મંતવ્ય જુદાં છે. કેટલાક લોકો તેના ફાયદા કહે છે અને કેટલાક તેને નુકસાનકારક માને છે. જો કે, સેક્સની જેમ માસ્ટરબેશનને પણ યોગ્ય માનવામાં આવે છે સેક્સની ઇચ્છાને પૂરી કરવા માટેનો એક વિકલ્પ છે હસ્તમૈથુન. હસ્તમૈથુન આમ તો સામાન્ય વાત છે અને તે અંગે ખુલ્લેઆમ વાત કરવામાં આવતી નથી.

ઘણા લોકો માને છે કે માસ્ટરબેશનના આરોગ્ય પર ખરાબ અસર પડે છે. આ બધી બાબતોમાં કેટલું સત્ય છે. આરોગ્ય પર માસ્ટરબેશનની અસર વિશે તેમણે શું કહ્યું, તમે પણ વાંચો …

માસ્ટરબેશન એ જાતીય જરૂરિયાતને પૂર્ણ કરવાની એક રીત છે. પહેલાના સમયમાં લગ્ન ઝડપથી થતું, તેથી છોકરા-છોકરીઓને પણ તેની જરૂર નહોતી. આજકાલ લગ્ન 30 વર્ષ ની આસપાસ થઈ રહ્યા છે. તેથી શારીરિક સંતોષ માટે માસ્ટરબેશનની જરૂર છે.

સ્વાસ્થ્યને કોઈ નુકસાન નથી

શરીરની જુદી જુદી જરૂરિયાતો હોય છે. ઉદાહરણ તરીકે, માનસિક સ્વાસ્થ્ય જાળવવા માટે, વ્યક્તિને આરામ કરવાની જરૂર છે, શારીરિક સ્વાસ્થ્ય જાળવવા માટે યોગ્ય આહાર, મલ્ટિવિટામિન અને ખનિજોની જરૂર છે. જાતીય સ્વાસ્થ્ય માટે તે જ રીતે ઓર્ગેઝ્મની જરૂર છે. તેની 2 રીતો છે, પ્રથમ તમારા જીવનસાથીની સાથે સેક્સ કરી શકો છો અને બીજો માસ્ટરબેશન.

આરોગ્યની દ્રષ્ટિએ, માસ્ટરબેશનનો કોઈ ખાસ ફાયદો નથી. એવું નથી કે માસ્ટરબેશન શરીરમાં વધારો કરશે અથવા વીર્યની સંખ્યામાં વધારો કરશે. પરંતુ તે કરવામાં કોઈ નુકસાન નથી. ઘણા લોકો માને છે કે માસ્ટરબેશન શરીરની વૃદ્ધિ બંધ કરે છે, પરંતુ તે આવું નથી.

જેમ સહવાસ કરવાથી કોઈ નપુસંકતા નથી આવતી, તે જ રીતે હસ્તમૈથુન કરવાથી ય નપુંસકતા નથી આવી જતી. આ એક ખોટી ધારણા છે કે વીર્યનાશ અથવા નપુંસકતા આવી જાય છે. હસ્તમૈથુન ક્યારે અને કેટલી વખત કરવું જોઈએ તેનો કોઈ નિયમ કે કાયદો નથી. જયારે વ્યક્તિને મન થાય અને શરીર સાથ આપે, હસ્તમૈથુન અને સહવાસ કરી શકાય છે. તેનો શરીર કે ગુપ્તાંગ પર કોઈ વિપરીત પ્રભાવ નથી પડતો.

હસ્તમૈથુન કોઇપણ ચિકિત્સા પદ્ધતિ અનુસાર હાનીકારક નથી. આયુર્વેદના માનદ ગ્રંથો, જેવા કે ચરક સંહિતા, સુશ્રુત સંહિતા વગેરેમાં ક્યાય પણ તેવો ઉલ્લેખ નથી કે હસ્તમૈથુન શરીર માટે હાનિકારક હોય.

ખૂબ માસ્ટરબેશન નુકસાનનું કારણ બને છે

જાતીય ઉત્તેજના અનુભવાય છે અને ક્યારેક માસ્ટરબેશન થાય છે ત્યારે શરીરને કોઈ નુકસાન થતું નથી. પરંતુ જો તમને તેની આદત પડી જાય છે અને વધારે માસ્ટરબેશન કરો છો, તો તે અનેક પ્રકારના નુકસાન પહોંચાડે છે . પિનીસને ઇજા થઈ શકે છે અથવા વળાંકની સમસ્યા થઈ શકે છે. સંબંધ બાંધવાની ઇચ્છા પણ ઓછી થાય છે.

વિવાહિત જીવનને પણ અસર થઈ શકે છે કારણ કે માસ્ટરબેશનના વ્યસનને કારણે તમે પત્ની અથવા જીવનસાથી સાથે યોગ્ય વર્તન નહીં કરો.  હસ્તમૈથુન માટે અપનાવવામાં આવેલ તકનીક સેક્સ દરમિયાન પુરુષોની સેક્સ સનસનાટીને અસર કરી શકે છે.