વાઈરલ ગેસ્ટ્રોએંટેરિટિસ ના ચેપ ને લીધે ઝાડા અને ઉલ્ટી થઇ શકે છે. જ્યારે કોઈ વ્યક્તિના પેટ અને આંતરડામાં વાયરસ નો ચેપ લાગે છે, ત્યારે એને વાઈરલ ગેસ્ટ્રોએંટેરિટિસ નો ચેપ લાગ્યો એવું કેહવામા આવે છે. પુખ્ત વયના લોકો અને બાળકો બંને ને વાયરલ ગેસ્ટ્રોએન્ટેરિટિસ નો ચેપ લાગી શકે છે.
ચેપગ્રસ્ત વ્યક્તિ અથવા તો વાયરસ જે સપાટી પર હોય એને સ્પર્શ કર્યા પછી હાથ ધોયા ના હોય અથવા જેમાં વાયરસ હોય તેવો ખોરાક ખાવો અથવા પ્રવાહી પીવું વગેરે કારણે આ વાયરસ ફેલાય છે. જ્યારે વાયરસવાળા લોકો તેમના હાથ ધોતા નથી, ત્યારે તેઓ ખોરાક અથવા પ્રવાહીમાં આ વાયરસ નો ચેપ સ્પર્શ કરીને ફેલાવી શકે છે.
કેટલાક ઘરેલું ઉપાય છે જે ગેસ્ટ્રોઇંટેસ્ટીનલ ફ્લુના લક્ષણોને દૂર કરી શકે છે. આમાંની પ્રથમ હર્બલ ચા છે. આ ચા જઠરાંત્રિય માર્ગને શાંત કરે છે અને થતી બળતરાની પ્રક્રિયાઓને અટકાવવામાં મદદ કરે છે. ગેસ્ટ્રોએન્ટેરાઇટિસ માં નાળિયેર પાણી એક અત્યંત જરૂરી અને ઉતમ આહાર માનવામાં આવે છે.
ગેસ્ટ્રોએન્ટેરાઇટિસની સારવાર માટે બાફેલા બટાકા, કઠોળ, ગાજર અને સેલરિ વગેરે ખાદ્ય પદાર્થો લેવા જોઈએ. અને ડિહાઇડ્રેશનને રોકવા માટે, ઘણું પાણી પીવું જોઈએ. કેળા પેટ પર સુખદ અસર આપવા માટે જાણીતા છે. કાચા કેળા અથવા તેનો રસ ગેસ્ટ્રોએન્ટેરાઇટિસની સારવાર માટે ઉપયોગમાં લેવો જોઈએ.
સફરજનનો રસ અને મોસંબીનો રસ પણ પેટના ફ્લૂને મટાડવામાં મદદ કરે છે. મસાલેદાર અને ગરમ ખોરાક ખાવાનું ટાળવું જોઈએ. હાનિકારક ગેસ્ટ્રાઇટિસને કારણે, વિટામિન બી 12ના શોટ આપવામાં આવે છે અને ધાન્યના લોટમાં રહેલું નત્રિલ દ્રવ્ય અને ઘઉં જેવા બળતરા યુક્ત ખોરાકને દૂર કરવા જોઈએ.
ડાયજેસ્ટ કરવા માટે હળવા મસાલાવાળો ખોરાક એક સરળ શ્રેષ્ઠ ઉપાય છે. જો તમે ઉલટીથી પીડાતા હોવ તો બ્રેડ ટોસ્ટ લેવું જોઈએ. લીંબુ, દ્રાક્ષ, નારંગી જેવા સાઇટ્રસ ફળો દ્વારા ઉબકા અથવા ઉલટીની લાગણી નિયંત્રિત કરી શકાય છે. શાકભાજી સૂપ પાચક તંત્ર માટે સારું છે.
ગેસ્ટ્રોએન્ટેરાઇટિસ માટે ધ્યાન પણ એક સરો વિકલ્પ માનવામાં આવે છે. ધ્યાન વડે તણાવ ઘટાડવો ગેસ્ટ્રિક એસિડના ઉત્પાદનને અટકાવી શકે છે, જેનાથી પેટનું ફૂલવું અટકાવી શકાય છે અને ગેસ્ટ્રોએન્ટેરાઇટિસ ના લક્ષણો ઓછા થાય ત્યાં સુધી દર્દીએ ઘરે આરામ કરવો જોઈએ. સવારના નાસ્તામાં એક ગ્લાસ થોડા ગરમ પાણીમાં લીંબુનો રસ અને એક ચમચી મધ નાખીને આ પાણી પીવાથી ગેસ્ટ્રોએન્ટેરાઇટિસ ની સમસ્યા માં લાભ મળે છે.
ગાજર અને પાલક નો રસ પીવાથી પણ આરામ મળે છે. ગેસ્ટ્રોએન્ટેરાઇટિસ ની સમસ્યા દૂર કરવા માટે તાજા ફળ જેવા કે સફરજન, સંતરા, કેળાં, દ્રાક્ષ વગેરે નો રસ દૂધ સાથે ભેળવીને પીવાથી જઠરની આ સમસ્યામાં લાભ મળે છે. બપોરના ભોજનમાં બાફેલી શાકભાજી, ભૂખ અનુસાર રોટલી અને સાથે એક ગ્લાસ છાશ પીવાથી આરામ મળે છે.
રાતના ભોજનમાં તાજી લીલી શાકભાજીનું સલાડ જેમકે- ટમેટાં, ગાજર, કોબીજ, કાકડી વગેરેમાં લીંબુનો રસ નાખીને ખાવાથી લાભ થાય છે. આ ઉપરાંત તાજું માખણ અને ઘરે બનાવેલું તાજું પનીર પણ આ સમસ્યામાં મદદ કરે છે. ગેસ્ટ્રોએન્ટેરાઇટિસ ની ગંભીર અવસ્થામાં ચોખાનું ઓસામણ ઉતમ ઔષધિ માનવામાં આવે છે. દર્દીને ચિંતા અને તણાવ થી દૂર રવું જોઈએ.